Share this page

საერთაშორისო საფინანსო კორპორაცია (IFC) ხელს უწყობს მაღალი ხარისხის სამედიცინო მომსახურების ხელმისაწვდომობის გაუმჯობესებას საქართველოში

თბილისი , საქართველო , 12 სექტემბერი , 2016 — საერთაშორისო საფინანსო კორპორაცია (IFC),   მსოფლიო ბანკის ჯგუფის წევრი , ხელს უწყობს საქართველოს წამყვან სამედიცინო კორპორაცია ევექსს “   ქვეყნის მასშტაბით ერთ მილიონზე მეტი ადამიანისთვის უფრო ხელმისაწვდომი გახადოს მაღალი ხარისხის სამედიცინო მომსახურება .
IFC „ ევექსს გამოუყოფს 25 მლნ . აშშ დოლარის ოდენობის სესხს , რაც ხელს შეუწყობს კომპანიას დააფინანსოს სამედიცინო მომსახურების განვითარების პროგრამა და დანერგოს ახალი სერვისები არსებულ კლინიკებში . პროგრამა მნიშვნელოვანია საქართველოს ჯანდაცვის სექტორის შემდგომი განვითარებისთვის , რამდენადაც ბევრ მოქალაქეს კვლავაც არ მიუწვდება ხელი ისეთ ხარისხიან და სპეციალიზებულ მომსახურებაზე , როგორსაც კომპანია ევექსი სთავაზობს პაციენტებს . ევექსი საქართველოს მასშტაბით 35 საავადმყოფოს , 9 უბნის ამბულატორიას და 28 ექსპრეს - ამბულატორიულ კლინიკას მართავს .
ძალზე მოხარული ვარ IFC- სთან ჩვენი თანამშრომლობის დაწყებით და გრძელვადიან დაფინანსებაზე ხელშეკრულების ხელმოწერით , რაც საქართველოში ჯანდაცვის სექტორის მდგრად განვითარებას შეუწყობს ხელს . IFC- ის ეს სესხი ხელს შეუწყობს საავადმყოფოების შენობების განახლებასა და ახალი ტიპის მომსახურების დანერგვას , რასაც ჩვენი სტრატეგია ითვალისწინებს ,“ – განაცხადა საქართველოს ჯანდაცვის ჯგუფის გენერალურმა დირექტორმა ნიკოლოზ გამყრელიძემ .
კერძო კომპანიები საქართველოს ჯანდაცვის სექტორის მნიშვნელოვან ნაწილს შეადგენს , რამდენადაც ქვეყნის სამედიცინო მომსახურების 80 პროცენტზე მეტს სწორედ კერძო სექტორი უზრუნველყოფს . სახელმწიფო საყოველთაო ჯანდაცვის პროგრამის ფარგლებში კერძო და სახელმწიფო საავადმყოფოებს მათ მიერ გაწეული მომსახურების ღირებულებას უნაზღაურებს .
კერძო სექტორი სულ უფრო მზარდ როლს ასრულებს საქართველოში სამედიცინო მომსახურების სფეროში . ეს ინვესტიცია ჩვენი სტრატეგიის ნაწილია , რომელიც ჯანდაცვის სფეროში კერძო კომპანიების მონაწილეობის ხელშეწყობას ითვალისწინებს . ჩვენი მიზანია მოსახლეობის ფართო ფენებისთვის უფრო ხელმისაწვდომი გავხადოთ ინოვაციური და ეფექტიანი სამედიცინო მომსახურება , “ – განაცხადა სამხრეთ კავკასიაში IFC- ის რეგიონულმა მენეჯერმა იან ვან ბილსენმა .
საქართველოს ჯანდაცვის მთლიანი ხარჯები მთლიანი შიდა პროდუქტის 9 პროცენტს შეადგენს , რაც მაღალია სხვა განვითარებად ქვეყნებთან შედარებით . მისი უდიდესი ნაწილი იხარჯება მედიკამენტებზე და არა სამედიცინო მომსახურებაზე .
ეს პროექტი IFC- ის მხრიდან საქართველოს ეკონომიკური განვითარების მხარდაჭერის ფართო ძალისხმევის ნაწილია . ქვეყანა IFC- ის წევრი 1995 წელს გახდა . მას შემდეგ , IFC- ის გრძელვადიანმა ინვესტიციებმა საქართველოში 1.2 მილიარდიაშშ დოლარზე მეტი შეადგინა 55 პროექტში საფინანსო , აგრობიზნესის , წარმოების და ინფრასტრუქტურის სექტორებში . ამ თანხიდან 436 მილიონი აშშ დოლარი პარტნიორებისგან იქნა მოზიდული . გარდა ამისა , IFC- 315 მილიონი აშშ დოლარამდე ღირებულების სავაჭრო ტრანზაქციებს შეუწყო ხელი სავაჭრო დაფინანსების პროგრამის ფარგლებში . IFC საქართველოში ასევე ახორციელებს საკონსულტაციო პროექტებს , რომლებიც მიზნად ისახავს კერძო სექტორის განვითარებას .
ევექსის შესახებ
კორპორაცია ევექსი საქართველოში 35 საავადმყოფოს , 9 უბნის ამბულატორიას და 28 ექსპრეს - ამბულატორიულ კლინიკას მართავს , რომელიც ქვეყანაში არსებული საწოლების მთლიანი რაოდენობის 25%- შეადგენს . კომპანია ქვეყანაში ერთ - ერთი უდიდესი დამსაქმებელია , რომელშიც დაახლოებით 10,000 ადამიანი მუშაობს . კორპორაცია ევექსი ლონდონის საფონდო ბირჟის პრემიუმლისტინგში შემავალი საქართველოს ჯანდაცვის ჯგუფის სრულ მფლობელობაში იმყოფება . საქართველოს ჯანდაცვის ჯგუფი “ „ ბიჯეო ჯგუფის შვილობილი კომპანიაა . www. evex .ge
IFC- ის შესახებ
IFC მსოფლიო ბანკის ჯგუფის წევრი და განვითარებაზე ორიენტირებული ყველაზე მსხვილი საერთაშორისო ინსტიტუტია , რომელიც განვითარებად ქვეყნებში კერძო სექტორს უწყობს ხელს . ჩვენ ვმუშაობთ 2,000 ბიზნესკომპანიასთან მსოფლიოს მასშტაბით და ვიყენებთ სამოცწლიან გამოცდილებას განვითარებისთვის საჭირო შესაძლებლობების შესაქმნელად იქ , სადაც ამის საჭიროება ყველაზე მწვავეა . 2016 ფინანსურ წელს ჩვენმა გრძელვადიანმა ინვესტიციებმა განვითარებად ქვეყნებში თითქმის 19 მილიარდ აშშ დოლარს მიაღწია . ჩვენი კაპიტალი , ცოდნა და გავლენა მიმართულია კერძო სექტორის ხელშეწყობისკენ იმისათვის , რომ მან გადამწყვეტი როლი შეასრულოს უკიდურესი სიღარიბის დაძლევასა და ცხოვრების დონის გაუმჯობესებაში . დამატებითი ინფორმაციის მიღება შესაძლებელია ვებგვერდზე : www.ifc.org .
Stay Connected