Երևան, Հայաստան, դեկտեմբերի 10, 2015թ. -
Համաշխարհային բանկի խմբի անդամ Միջազգային ֆինանսական կորպորացիան (IFC)
, ՊրոԿրեդիտ Բանկ – Հայաստան ընկերության ձեռքբերման նպատակով 20մլն ԱՄՆ դոլար վարկ է տրամադրում հայաստանյան Ինեկոբանկին՝ դրանով իսկ առաջին անգամ նպաստելով Հայաստանի բանկային հատվածի՝ շուկայով պայմանավորված համախմբմանը և փոքր ու միջին ձեռնարկությունների համար ֆինանսավորման հասանելիության խթանմանը:
«Ինեկոբանկը Հայաստանում ՓՄՁ-ների և սպառողական վարկավորման սեգմենտների շուկայի առաջատարներից մեկն է», - նշեց Ինեկոբանկի գործադիր տնօրեն Տարոն Գանջալյանը: «Այս նոր ֆինանսավորումը կօգնի մեզ է՛լ ավելի զարգացնել ՓՄՁ վարկավորումը և ներդրում ունենալ Հայաստանի մասնավոր հատվածի կայուն զարգացման գործում»:
Հանդիսանալով Ինեկոբանկի երկարաժամկետ բաժնետեր և գործընկեր՝ IFC-ն աջակցում է Ինեկոբանկին վերաֆինանսավորել ՊրոԿրեդիտի առկա պարտավորությունները և ընդլայնել իր ՓՄՁ պորտֆելը՝ օգնելով, որ այն դառնա հայաստանյան առաջատարը ՓՄՁ վարկավորման ասպարեզում: Ֆինանսավորման փաթեթը ձևավորվել է Վերակառուցման և զարգացման եվրոպական բանկի հետ համատեղ, որը կապիտալում կներդնի 20մլն ԱՄՆ դոլար:
«Փոքր և միջին ձեռնարկությունները աշխատատեղերի և եկամտի հիմնական աղբյուրն են զարգացող աշխարհում», - նշեց IFC-ի Հարավային Կովկասի տարածաշրջանային տնօրեն Յան Վան Բիլսենը: «Հայաստանյան կայուն բանկերին աջակցելով՝ մենք հուսով ենք ֆինանսավորումը առավել հասանելի դարձնել հայաստանյան տնտեսության այս կարևոր սեգմենտի համար և նպաստել տնտեսական զարգացմանը, աշխատատեղերի ստեղծմանը և աղքատության նվազեցմանը»:
IFC-ն ունի մի շարք խորհրդատվական և ներդրումային ծրագրեր, որոնք ուղղված են օգնելու բանկերին՝ ՓՄՁ ֆինանսավորման ոլորտում կարողություններ ձևավորելու գործում: 2014 թվականին Արևելյան Եվրոպայում և Կենտրոնական Ասիայում IFC-ի հաճախորդ բանկերը ավելի քան 5.7 միլիոն վարկ փոխառություն են տրամադրել միկրո, փոքր և միջին ձեռնարկություններին՝ 81 միլիարդ ԱՄՆ դոլար ընդհանուր գումարով:
Ինեկոբանկի մասին
Ինեկոբանկը հիմնվել է 1996-ին և հանդիսանում է Հայաստանի առաջատար բանկերից մեկը, որի գործունեությունն ուղղված է մանրածախ առևտրի, միկրո և ՓՄՁ սեգմենտներին: Բանկի նպատակն է՝ վերածվել զարգացող երկրների մանրածախ առևտրի, միկրո և ՓՄՁ սեգմենտների հաճախորդներին պարզ և արդյունավետ բանկային ծառայություններ մատուցող թիվ մեկ ընկերության: 2015թ. 3-րդ եռամսյակի դրությամբ Ինեկոբանկը հանդիսանում է Հայաստանի շուկայի առաջատարը՝ Ակտիվների շահութաբերության (ROA) և Կապիտալի շահութաբերության (ROE) գծով: Բանկի ընդհանուր ակտիվները կազմում են 158 միլիարդ ՀՀ դրամ, իսկ համախառն վարկային պորտֆելը 2015թ. 3-րդ եռամսյակի դրությամբ հասել է 103 միլիարդ ՀՀ դրամի:
IFC-
ի
մասին
Համաշխարհային
Բանկի
Խմբի
անդամ
հանդիսացող
IFC–
ին
ամենամեծ
գլոբալ
զարգացման
հաստատությունն
է
,
որը
զբաղվում
է
բացառապես
մասնավոր
հատվածով։
Աշխատելով
մոտ
2000
մասնավոր
ձեռնարկությունների
հետ՝
մենք
օգտագործում
ենք
մեր
կապիտալը
,
փորձագիտությունն
ու
ազդեցությունը՝
օգնելու
վերացնել
ծայրահեղ
աղքատությունը
և
խթանել
համընդհանուր
բարգավաճումը։
2015
ֆինանսական
տարում
մենք
տրամադրել
ենք
ավելի
քան
18
միլիարդ
դոլարի
ֆինանսավորում՝
բարելավելու
կյանքը
զարգացող
երկրներում
և
դիմակայելու
զարգացման
ամենահրատապ
մարտահրավերներին։
Լրացուցիչ
տեղեկությունների
համար այցելեք
www. ifc.org
կայքէջը:
Կապը կարելի է պահպանել հետևյալ միջոցներով.